Wararka naga soo gaarayo Magaalada Jowhar xarunta Gobalaka Shabeelada dhaxe Ee dalka Soomaaliya ayaa sheegayo in Maamulka Xarakatu Alshabaab ay kagaga dhawaaqen halkaas inay ka badalleen magacayadii  Iskuulo ku yaalo Jowhar, kadib markii ay shalay ku soo wareegeen Dhamaanba Goobaha waxbarashada ee Degmada Jowhar Xarunta Gobalka Shabeelada Dhaxe.

Sheekh Usama Caddow  oo u hadlay Maamulka Alshabab ee degmada Jowhar ayaa waxaa uu ku amray inay fursad u siiyaan dad aqoonyahano ah oo ka imaaday wadamada Dibada inay ka mid noqdaan Macalimiinta Dugsiyada si waxbarashada halkaasi ay u naqata mid tayo leh.

Maamulayaasha ayaa ka ogolaaday Alshabab arrintaasi waxaana hada kadib iskuul waliba uu maalintii bixinayaa xiisado ay ardayda barayaan rag katirsan aqoonyahanadaan cusub oo aan la Cadeyn Magacyadooda iyo wadamada ay u dhasheen intaba.

Sidoo kale Ninka U hadlay Alshabab ee degmada Jowhar ayaa sheegay in ay magacyadii oo dhanba ka  badaleen ilaa 3 dugsi oo kamid ah kuwa Jowhar.

Sedexda Iskuul ayaa kala ah Dugsiga hoose dhexe iyo sare ee Kulmis oo loo bixiyay magaca Dugsiga Imaam Shaafici, Dugsiga Buula Barey oo loogu magac daray Mucaad bin Jabal iyo Dugsiga Sheekh Ooyaaye oo haatan loogu yeeri doono Dugsiga Cusman Bin Cafaan.

Magacyada labadalay ayaa ahaa kuwo afSoomaali ah waxaana loo bixiyay Dugsiyadan  Kunyadii imaamyadii Iyo Saxaabadii  rasuulkena Muxumad Nabad Galyo Iyo Naxariis Korkiisa ha ahaatee.
Dadka ku xeeldheer Diinta Islaamka ayaa aamin san inay san wax dhibaato ah la heyn hadii ay umuda Muslimka ay iyadu iskeed u Adeegsato in loogu magac daro waxyaabaha U baahan in loo yeello Astaan Sharafeedka Sida Kunyooyinkii Saxaabada Ridwaanullahi Caleylhi,

Laakiinse Su aasha Isweydiinta Mudan ayaa waxaa ay tahay Dad Muslimiin ah in la weeraro Goobaha ay ku bartaan aqoonta oo dhan.

Alshababta Jowhar ayaa haatan ka hor waxaa sidaas oo kale ay u magac badaleen tuulooyin iyo deegaano hoos yimaado Jowhar.

Maxamed Salaad Cabdulle
Xafiiska Wararka Shabakada IIROON Nairobi –Kenya.
E;Msalaad 5@hotmail.com
T;+254 728 43 13 68